1285 April 25. Wansen

Bischof Thomas von Breslau bestätigt die Gründung der Kirche von Wüste-Briese.

In nomine domini amen. Nos Thomas dei gratia episcopus ecclesie Wratislaviensis notum facimus universis hanc cartulam inspecturis, quod Paulus miles dictus Poduscha et cum aliis sibi complicibus petivit humiliter ac devote instrumenta nostri predecessoris domini Laurencii episcopi quondam Wratislaviensis super fundacione sue ecclesie de Bresmir nostris litteris confirmari cum decimis ascriptis de agris vel aratris horum heredum seu militum quorum nomina sunt hec: Petrus miles dictus crinosus de Bresmir, Ziman de Simanouiz, Bogdas de Polganovo sive Pelciz, Wavreta de Wavreciz vel Bolechovo Gnevomir de Chomatovo, Zulos Jacobi de Zulosowiz, Nicolaus de Crinasosna et de Lawinstein. Nos igitur peticionibus predicti militis Pauli nostrum animum aclinentes (!) intuentesque, cum eadem sus ecclesia nullos penitus habeat reditus in suffragium ministrorum in eadem deserviencium ecclesia dicta, instrumenta sagaciter approbata rata tenentes decimas de agris Andree et aliorum heredum de Andrecoviz, qui se vltro eidem ecclesie subiecerunt, et omnes decimas de agris heredum seu militum superius dictorum, quos nunc ipsorum posteri propriis excolunt aratris, et si in posterum in ius thewtonicum vel aliquo alio modo in inferiorem personam devenirent, ad honorem dei et ecclesie sanctorum Petri et Pauli apostolorum in Bresmir damus, ascribimus et concedimus in hijs scriptis omnibus deinceps cavillacionibus super eisdem decimis perpetuum silencium inponentes. In omnis rei testimonium presentem paginam nostro sigillo duximus roborandam. Datum apud Wansow anno MCCLXXX quinto, VII. kalendas Mai presentibus domino Hermanno lectore fratrum minorum apud Wratislaviam, magistro Miroslao, domino Fredrico, plebano de Wansow, domino Petro, plebano de Zolez, Henrico Simone notariis et capellanis nostre curie et aliis multis.

An Pergamentstreifen ein ovales Siegel aus grauem Wachs. Darauf befindet sich zwischen 2 sechsstrahligen Sternen die stehende Figur des Bischofs im Ornat, in der Linken den Krummstab, die rechte erhoben. Die Umschrift lautet: † S. THOME DI GRA WRATISLAVIEN. EPI.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 9, Urkunden der Stadt Brieg. Urkundliche und chronikalische nachrichten über die Stadt Brieg, die dortigen Klöster, die Stadt- und Stiftsgüter bis zum Jahre 1550. Hrsg Dr. C. Grünhagen, Breslau 1870.